ХИМИЙН ТЭНХИМИЙН СПОРТ ӨДӨРЛӨГ
2024-2025 оны хичээлийн жил
Тэмцээний зорилго
Монгол Улсын Их Сургуулийн Шинжлэх Ухааны Сургуулийн Байгалийн Ухааны Салбарын Химийн тэнхимийн багш болон оюутнуудын хоорондын харилцаа холбоог бататгах, нөхөрлөлийг бэхжүүлэх, шинээр элсэж орсон оюутнуудад мэдээ мэдээлэл түгээх, мөн эрүүл амьдрах хэв маяг төлөвшүүлэх, дасгал хөдөлгөөн өдөр бүр хийж илүүдэл жингүй, идэвхтэй иргэнийг бий болгоход оршино.
Тэмцээний хамрагдах хүрээ:
МУИС-ШУС-БУС-ын Химийн тэнхимийн нийт багш нар, идэвхтэй сурч буй бакалаврын түвшний оюутнууд
Оролцогч багууд (нэг багт 6-8 хүн)
Хими-1, Химийн боловсрол-холимог, Хими-2, Хэрэглээний хими-1
Хими-3, Хими-4, Хэрэглээний хими-2
Тэмцээн зохион байгуулах газар, хугацаа:
2024 оны 12 сарын 07-ны өдөр 09:00 цагаас МУИС-ийн VIII байрны спорт зааланд зохион байгуулагдана.
Тэмцээний систем:
• Нэг багт 6-8 оюутан байхаар багт хуваагдан гурван хэсэгт сугалаагаар хуваарилагдаж, 1 хэсгээс 1 баг гарна. Шалгарсан багууд тойргийн системээр тоглоно.
• Тоглолт 21 тоогоор 2 парт үргэлжилнэ. Хэрвээ оноо тэнцвэл дахин 15 тоогоор тоглоно.
Тэмцээн явагдах журам:
• Энэхүү тэмцээн нь эрэгтэй, эмэгтэй холимог төрлөөр олон улсын дүрмийн дагуу шүүлт явагдах бөгөөд баг тус бүр 8 эсвэл 7 хүний бүрэлдэхүүнтэй байна. Талбайд 6 хүн тоглоно.
• Хүлээлгийн хугацаа 5 минут байна. Баг бүрэлдэхүүн хүлээлгийн хугацаанд талбайд гарч ирээгүй тохиолдолд эсрэг багт хожлыг тооцно.
• Баг тамирчид нь хувцсаар жигдэрч тоглогч бүр хувийн дугаартай байна.
Шагнал урамшуулал:
1-р байр: Алтан медаль, өргөмжлөл
2-р байр: Мөнгөн медаль, өргөмжлөл
3-р байр: Хүрэл медаль, өргөмжлөл