Жил бүр уламжлал болон зохион байгуулагддаг Химийн тэнхимийн бакалавр, магистрант, докторант оюутны эрдэм шинжилгээний хурал цаг үеийн нөхцөл байдалтай холбоотойгоор 2 жил өнжсөн.

МУИС-ийн 80 жилийн ойг тохиолдуулан 2021-2022 оны хичээлийн жилд Химийн тэнхимийн суралцагчдын эрдэм шинжилгээний хурлыг бакалаврын болон магистрант, докторант оюутны гэсэн 2 ангилалтайгаар 2022 оны 04 сарын 07-ны өдөр МУИС-ийн хичээлийн 1-р байрны Дугуй танхимд зохион байгуулахаар төлөвлөж байна.

Эрдэм шинжилгээний хуралд оролцох оюутан, мэдээллээ 2022 оны 04 сарын 01-ний 17 цаг хүртэл a_altaid@num.edu.mn хаягаар ирүүлнэ үү.

Хуралд оролцогчдын илтгэлийн хураангуйг эмхэтгэн Тэнхимийн сайт дээр нийтэд танилцуулахаар байршуулна.

Эрдэм шинжилгээний хуралд оролцогч дараах материалыг бүрдүүлнэ. Үүнд:

1. Судалгааны ажлын хураангуй (формат: А4 цаасны 1 нүүрт багтаан бичнэ, 4 талаас 2см зайтай, мөр хоорондын зай 1.15, Times New Roman, үсгийн хэмжээ 11, гарчиг 12 bold-оор бичнэ) Хураангуйг 04 сарын 02-ний 17 цаг хүртэл a_altaid@num.edu.mn хаягаар ирүүлнэ үү.

2. Судалгааны ажлын постер (хэмжээ 80см´100см) бэлтгэж, 04 сарын 05-ны 17 цаг хүртэл 235 тоот өрөөнд авчирч өгнө.

3. Судалгааны ажлаа танилцуулах илтгэл (10 минутад багтаан илтгэнэ) Илтгэлийн PPT файлыг 04 сарын 06-ний 17 цаг хүртэл a_altaid@num.edu.mn хаягаар ирүүлнэ үү.

Суралцагчдын эрдэм шинжилгээний хурал зохион байгуулах комисс