МУИС-аас Оюуны өмчийн газартай хамтран жил бүрийн 4 дүгээр сарын 26-нд тохиодог Дэлхийн оюуны өмчийн өдрийг тэмдэглэн өнгөрүүлэх ажлын хүрээнд оюуны өмчийн хурал, зөвлөгөөн, “МУИС-ийн Шилдэг оюуны өмч бүтээгч”-ийн шагнал гардуулалт зэрэг арга хэмжээг зохион байгуулж, ололт амжилтаа тэмдэглэж ирсэн уламжлалтай билээ.

МУИС-ийн эрдэмтэн, судлаачдын бүтээл туурвих, шинийг санаачлах үйл ажиллагааг дэмжиж, инновацийн соёлыг төлөвшүүлэх, олон нийтэд сурталчлан таниулах зорилгоор “МУИС-ийн Шилдэг оюуны өмч бүтээгч”-ийн шалгаруулалт 3 дугаар сард хийгдсэн ба МУИС-ий захирлын 2020 оны 04 дүгээр сарын 30-ны өдрийн А/104 дугаар тушаалын дагуу тус шагнал гардуулалтын арга хэмжээ Оюуны өмчийн газартай хамтран зохион байгуулагджээ.

“МУИС-ийн Шилдэг оюуны өмч бүтээгч” шагналд шалгарсан Химийн тэнхимийн профессор Б.Энхсаруул тэргүүтэй багийн хамт олонд баяр хүргэж эрдэм шинжилгээ, судалгааны цаашдын их үйлсэд нь өндөр амжилт хүсье.

МУИС-ийн Шилдэг оюуны өмч бүтээгч шагналд Химийн тэнхимээс шалгарсан судлаачид