2017-2018 хичээлийн жилийн хаврын улирлын багш, сургалтын орчин, хичээлийн талаар нийт оюутнуудын сэтгэл ханамжийн судалгааны дүнгийн нэгтгэлийг танилцуулж байна.
2019.01.28
Багшийн талаар
- Уламжлалт танхимын сургалтын оронд идэвхтэй сургалтын аргыг хэрэглэж, оюутнуудыг хичээлд татан оролцуулж, оролцоог нэмэгдүүлэх,
- Симуляц, хөдөлгөөнт үзүүлэн, видео зэрэг сонирхол татахуйц элементүүдийг хичээлийн явцад шигтгэн оруулах,
- Оюутны бие даах цагийн ачааллыг багасгах зорилгоор бие даалтын ажлыг багаар гүйцэтгэдэг болгон өөрчлөх, и-сургалтын хэлбэрийг ашиглан оюутны бие даан суралцах чадварыг хөгжүүлэх даалгаврууд өгөх,
- Багшийн заах арга зүйг хөгжүүлж, оюутнуудад зөв хандлага төлөвшүүлэх, үлгэр дууриал болох чиглэлээр бусад багш нараас туршлага судлах,
- Хичээлийн бус цагаар оюутанд зөвлөгөө өгөх цагийг өгөөжтэй, хүртээмжтэй болгох,
- Хичээлийн гол агуулгад холбоотой жишээ тайлбар оруулж, оюутанд бичиж тэмдэглэх боломж олгох.
Хичээлийн талаар
- Хичээлийн эхэнд хичээлийн хөтөлбөрийг, ялангуяа мэдлэг чадвар, CLO –ийг тусгайлан танилцуулах,
- Амьдрал, практик, ажил дээр гараад хэрэглэгдэх талаас нь боломжтой жишээг дурьдах,
- Хичээлээр олгох суралцахуйн үр дүнгээ илүү бодит байдалд ойртуулж, суралцагчдын түвшинтэй уялдуулж тохируулах, тухайлбал өмнөх холбоо, хичээлийн агуулга судалж түүн дээр тулгуурлан агуулгаа өөрчлөх “Хими” хөтөлбөрийн суралцахуйн үр дүнтэй зохицуулан бусад хичээлүүдтэй холбогдох холбоог судалж агуулгад тусгаж өгөх,
- Оюутны бие даан суралцах, өөрийгөө илэрхийлэх чадварыг хөгжүүлэхэд чиглүүлсэн үйл ажиллагаа, бие даалтын даалгавар оруулах,
- Ерөнхий суурийн оюутнуудад зориулсан монгол хэл дээрх сурах бичгийг зохиох ажлыг эхлүүлэх.