Монгол Улсын Их Сургуулийн Байгалийн ухааны салбарын Химийн тэнхимээс “Химийн шинжлэх ухааныг хэн сайн мэдэх вэ?” танин мэдэхүйн уралдаант тэмцээнийг химийн чиглэлээр сургалт явуулж, нарийн мэргэшүүлдэг сургуулиудын оюутнуудын дунд хоёр дахь жилдээ зохион байгуулах гэж байна.

Химийн шинжлэх ухааны танин мэдэхүйн энэхүү тэмцээнээр дамжуулан оюутан залууст химич мэргэжилтний давуу талыг ухааруулах, мэргэжлээрээ бахархах хүсэл эрмэлзлийг бий болгох, химийн шинжлэх ухаанд дур сонирхолтой болгох, бодит амьдралын хэрэглээ, ач холбогдол, үүргийг сурталчлан таниулах өндөр ач холбогдолтой билээ.

“Химийн шинжлэх ухааныг хэн сайн мэдэх вэ?” танин мэдэхүйн хоёрдугаар тэмцээнд МУИС-ийн 2 баг, МГТИС, ШМТДС, ШМТК-ийн тус бүр нэг баг, нийт 5 баг оролцож оюун ухаан, авхаалж самбаагаа сорих тул энэхүү тэмцээнийг эрдэмтэн багш, судлаач, оюутан залуус та бүхнийг хүрэлцэн ирж сонирхохыг урьж байна. Тэмцээний хоёрдугаар шат: 2019 оны 03 сарын 12-нд, 11.00 цагт, МУИС-ийн номын сангийн байрны 202 тоотод зохион байгуулагдана.