МУИС – MIT хамтарсан судалгаа 2024 оны 1 сарын 16 нд эхэллээ

Массачусетийн технологийн их сургуулийн 5 оюутан, 1 багш ирж МУИС-ийн Антропологи, археологийн тэнхимийн 4 оюутан, 1 багштай хамтран “антро-инженер” -ийн хамтарсан оюутнуудын баг бүрдүүлж МУИС-ийн Монгол судлалын хүрээлэнгийн дэмжлэг дор судалгаагаа 2024 оны 1 сарын 15-25 хооронд явуулах юм. Өнөөдөр багийн гишүүд МУИС-ийн Монгол судлалын хүрээлэн, Антропологи, археологийн тэнхим дээр зочилж, судалгаагаа нарийвчлан ярилцаж, маргаашнаас этнографийн болон хээрийн судалгаагаа эхлүүлж байна. 

MIT-ийн оюутан Ella Trumper, Madeline Hon, Iselle Barrios, Grade Gardner, Kiran Mak нар антропологийн багш Др. Lauren Bonilla -ийн удирдлага дор энэ удаа Монголд ажиллаж байна. Мөн MIT -ийн антропологийн профессор Др. Буяндэлгэрийн Мандухай, профессор Др.Mike Short зэрэг олон судлаачид оролцож байгаа аж. МУИС -ийн Антропологи, археологийн тэнхимийн оюутан П.Ганзул, Б.Мөнхжин, С.Энхлэн, Н.Оюунгуа нар тус тэнхимийн багш, Монгол судлалын хүрээлэнгийн эрдэмтэн нарийн бичгийн дарга Др.И.Бямбабаатарын удирдлага дор ажиллаж байна. Эдгээр оюутнууд бүгд нэг баг болж өнгөрсөн жилээс эхэлсэн тус судалгааг үргэлжлүүлэх юм. MIT -ийн түрүү жилийн судалгааны талаар энд дарж дэлгэрүүлж үзнэ үү. 

Мөн 2024 оны 1 сарын 22 ний өдөр “Anthropological approaches to air pollution and decarbonization in Ulaanbaatar” буюу Улаанбаатар хотын агаарын бохирдол, нүүрстөрөгчийн хийнээс зайлсхийх талаар антропологийн судалгааны чиглэл сэдэвтэй МУИС ийн Антропологи, археологийн тэнхим, Монгол судлалын хүрээлэн, MIT -ийн Антропологийн тэнхимийн хамтарсан семенарыг МУИС-ийн 2-р байрны хурлын танхимд зохион байгуулна.