Өнөөдөр МУ-ын Ерөнхийлөгчийн зарлигаар ШУГЗ, цөмийн физикч проффессор Г.Хүүхэнхүүд МУ-ын “Ардын багш” цол олголоо.

ШУГЗ, цөмийн физикч, профессор Г.Хүүхэнхүү нь 1970 онд МУИС-ийн Физик-Математикийн факультетыг төгссөн. 1981 онд Дубнагийн ЦШНИ-д физик математикийн ухааны дэд эрдэмтний зэрэг хамгаалсан. МУИС, ЦСТ-д багш, эрдэм шинжилгээний ажилтнаар 50 гаруй жил ажиллахдаа олон мянган оюутанд нарийн мэргэжлийн хичээл зааж, нейтроны физикийн суурь судалгааны ШАВЬ сургууль байгуулж, олон арван магистр докторын судалгааны ажлыг удирдан чиглүүлж, дагалдан сургаж, сургалт судалгааны 300 гаруй бүтээл туурвин олон улс, гадаад дотоодын өндөр зэрэглэлийн сэтгүүлд хэвлүүлжээ. Багшийн судалгааны бүтээлүүд ЦШНИ, Бээжингийн их сургууль болон мэргэжлийн сэтгүүлүүдийн оны шилдгээр олонтоо шалгарсан. Бүтээлээс нь гадаадын судлаачид 200 гаруй эшилсэн нь олон улсад өндөр үнэлэгддэг ба Г.Хүүхэнхүү багшийг ямар хэмжээний багш, судлаач болохыг тодорхой харуулж байгаа юм. Эрдэмтдийн зөвлөлийн гишүүн, эрдэм шинжилгээний төслийн шинжээчээр бүтээлчээр ажиллаж, эх орондоо цөмийн технологийг нутагшуулан хөгжүүлэх, мэргэжилтэн бэлтгэх ажилд өнөө хүртэл тасралтгүй ажилласаар байгаа шилдэг эрдэмтэн билээ.

МУ-ын Ардын багш Г.Хүүхэнхүү танд урт насалж, улам ихийг бүтээхийн ерөөл дэвшүүлье.

Физикийн тэнхим