МУИС-ийн Физикийн салбарын 80 жил, Дэлхийн Нобелийн шагналтны өдрийг тохиолдуулан МУИС-ийн Физикийн тэнхим болон Физикийн Салбарыг Төгсөгчдийн Холбооноос олон нийтэд зориулсан дараах үйл ажиллагааг 2022.12.07-2022.12.10-ны хооронд зохион байгууллаа.

Уг арга хэмжээний хүрээнд 2022 оны 12-р сарын 07-ны өдөр доорх үйл явдал болж өнгөрлөө.

МУИС-ийн Физикийн салбарын 80 жил, Дэлхийн Нобелийн шагналтны өдрийг тохиолдуулан  шинэ элсэгчид, оюутан, сурагчид, физик сонирхогчдод физикийн үзүүлэн, туршилтыг Физикийн тэнхимийн багш нар бэлтгэн хийж үзүүлэв.

Канадын МакГиллийн Их Сургуулийн д-р, проф. Ц.Гантөмөр багш өөрийн “Гэрлээс хурдан” танин мэдэхүйн лекцийг багш, оюутан сурагч, сонирхогчдод уншиж сонирхуулав.

2022 оны 12-р сарын 08-ны өдөр
Ардын багш Г.Шилагардийн хүндэтгэлийн лекц

2022 оны 12-р сарын 09-ны өдөр
Ардын багш О.Лхагваагийн хүндэтгэлийн лекцийг тус тус багш, оюутан сурагч, төгсөгч, сонирхогчдод уншиж өгөв.

2022 оны 12-р сарын 10-ны өдөр
2022 оны Физикийн салбарт Нобелийн шагнал авсан судалгааны ажлын тухай лекцийг проф. д-р. Д. Улам-Оргих физикийн салбарын үе үеийн төгсөгч дэмжигчид болон физик сонирхогчид, оюутан, сурагч, элсэгчдэд уншиж сонирхуулав.

Мөн түүнчлэн Физикийн тэнхимийн зүгээс салбарын төгсөгчдөөс багш нартаа хүндэтгэл үзүүлэх, хичээлийн өрөө, лаборатори анги танхимуудаар зочлон танилцах, “түүхэн замнал” дурсгалын фото зургийн ханын самбар болон эрдэм шинжилгээний бүтээлтэй танилцах, ном хэвлэлийн үзэсгэлэн зэрэг олон сонирхолтой арга хэмжээг зохион байгуулав.