БНТУ-ын Хамтын ажиллагаа, хөгжлийн агентлагийн (ТИКА) Улаанбаатар хот дахь хөтөлбөрийн зохицуулагч Али МУСЛУ, МУИС-ийн Хөрөнгө оруулалтын газар, ШУС-ийн ХУС-ын захиргаа болон Ази судлалын тэнхимийн Турк орон судлал хөтөлбөрийн багш нартай уулзлаа.

Энэхүү уулзалтанд МУИС-ийн Хөрөнгө оруулалтын газрын дарга, доктор, дэд профессор Д.Бадмаанямбуу, ШУС-ийн ХУС хариуцсан дэд захирал, доктор, дэд профессор Г.Элдэв-Очир, турк орон судлал  хөтөлбөрийн доктор, профессор Ц.Баттулга, доктор, дэд профессор Б.Аззаяа, Н.Гэрэлмаа, багш Т.Загарпэрэнлэй нар оролцлоо.

Уулзалтаар МУИС, ШУС, ХУС-ын Ази судлалын тэнхимийн Турк орон судлалын хөтөлбөрийн сургалт, үйл ажиллагаатай танилцахын зэрэгцээ, ТИКА-гийн хөрөнгө оруулалтаар турк орон судлал хөтөлбөрийг сонгон суралцагчдад зориулж лингафоний танхимыг бүрэн тохижуулах бодитой саналыг хэрэгжүүлэхээр тогтлоо.

Мөн тухайн хөтөлбөрийн одоогийн нөхцөл байдал, цаашдын чиг хандлага, хэрэгжүүлж болох хамтын үйл ажиллагаа, сургалтын орчин нөхцөлийн талаар санал солилцлоо.

ШУС, ХУС
АЗИ СУДЛАЛЫН ТЭНХИМ