Номын танилцуулга лекц болно

МУИС-ийн Монгол судлалын хүрээлэнгээс эрхлэн хэвлүүлдэг “Monumenta Mongolica” цувралын хүрээнд “Марко Пологийн аялал буюу Венецийн Рамузиогийн 1559 оны хувилбар” хэмээх судалгааны бүтээлийг 2019 онд итали хэлнээс МУИС-ийн ахлах багш Г.Бат-Учрал нар орчуулж, монгол судлаач, доктор, профессор Элизабетта Рагагниний тайлбартай нийтийн хүртээл болгож байсан билээ.

Марко Пологийн насан хутаг олсны 700 жилийн ойг тохиолдуулан энэ жил тус номын нэмэн засварласан хоёр дахь хэвлэлийг хэвлэж өргөн олон уншигчдын хүртээл болгож байна. Нэмэн засварласан 2 дахь хэвлэлийг танилцуулах лекцийг Монгол Улсын Их Сургуулийн Европ судлалын тэнхимийн ахлах багш Г.Бат-Учрал, Бүгд Найрамдах Итали Улсын Венецийн Ка᠎’ Фоскарийн Их Сургуулийн Ази ба Умард Африк судлалын тэнхимийн профессор, доктор Элизабетта Рагагнин, тус тэнхимийн судлаач, доктор  Ауесхан Райма нар 2024 оны 11 дүгээр сарын 19-ний өдрийн 16:00 цагаас МУИС-ийн хичээлийн 1-р байрны 320 тоот танхимд унших тул сонирхсон эрдэмтэн судлаач, оюутан суралцагч Та бүхнийг урьж байна.