МОНГОЛ УЛСЫН ИХ СУРГУУЛИЙН МОНГОЛ ХЭЛНИЙ БЭЛТГЭЛ АНГИД СУРАЛЦАЖ БУЙ ГАДААД ОЮУТНУУДЫГ УЛААНБААТАР ХОТТОЙ ТАНИЛЦУУЛАВ
Монгол Улсын Их Сургуулийн Монгол хэл, хэлшинжлэлийн тэнхим Нийслэлийн аялал жуулчлалын газартай хамтран тэнхимийн монгол хэлний бэлтгэл хөтөлбөрөөр суралцагч гадаад оюутанд зориулан “Улаанбаатар хоттой танилцах аялал”-ыг 2024 оны 11 дүгээр сарын 6-нд зохион байгуулав. Энэ удаагийн аялал Улаанбаатар хотын төв цэг Д.Сүхбаатар жанжны морьт хөшөө, Их Эзэн Чингис хааны хөшөө, Засгийн газрын ордон, Дуурь бүжгийн эрдмийн театраас эхэлж Байгалийн музей, Монголын хүүхдийн ордон, Зайсан толгой, Туул гол зэрэг түүх соёлын дурсгалт газрууд болон Цонжин болдог, Чингис хааны морьт хөшөө цогцолбор гэсэн чиглэлээр танилцуулав. Аялалд Бүгд Найрамдах Ардчилсан Лаос Ард Улс, Бүгд Найрамдах Солонгос Улс, Бүгд Найрамдах Вьетнам Улс, Япон Улс, Оросын Холбооны Улс, Бүгд Найрамдах Польш Улс, Бүгд Найрамдах Хятад Ард Улс зэрэг орны 45 оюутан хамрагдлаа. Бидний үйл ажиллагааг дэмжин ажилладаг Нийслэлийн аялал жуулчлалын газрын хамт олонд талархал илэрхийлье.
