МОНГОЛ ХЭЛНИЙ ЯРИАНЫ ДУГУЙЛАНД УРЬЖ БАЙНА

Монгол хэлний ярианы дугуйлан нь Монгол Улсын Их Сургуульд суралцаж буй гадаад оюутнуудад зориулсан мэргэжлийн оюутнуудын сайн дурын үйл ажиллагаа юм. Гадаад оюутны монголоор ярих ур чадварыг дээшлүүлэх, монгол хэл, соёлын мэдлэгээ тэлэхэд нь туслах зорилгоор тус дугуйланг ажиллуулж байна.

Монгол хэл, хэл шинжлэлийн тэнхимийн багш нар дугуйлангийн оюутнуудад зөвлөх багшаар ажиллах ба Хэл шинжлэл, Багш, Монгол хэл, уран зохиолын боловсрол, Хэл, уран зохиол хөтөлбөрт суралцаж буй монгол оюутнууд гадаад оюутнуудтай ярианы дадлага хийнэ.

Дугуйланд нэгдсэнээр Та дэлхийн олон орноос ирсэн гадаад оюутнууд болон монгол хэл бичгийн мэргэжлээр суралцаж буй монгол оюутнуудтай танилцаж нөхөрлөх, тэдэнтэй харилцаа ярианы янз бүрийн орчинд өөр өөр сэдвээр харилцах ур чадвараа хөгжүүлэх боломжтой.

Дэлгэрэнгүй мэдээллийг Монгол хэл, хэл шинжлэлийн тэнхимийн ахлах багш, доктор Л.Халиунтай холбогдож авна уу!

Бүртгүүлэх цахим шуудан: khaliun.l@num.edu.mn

Бүртгэл дуусах хугацаа: 2024 оны 11-р сарын 18 өдөр