“Монгол орон судлал”-ын танилцах  дадлага зохион байгууллаа

Монгол хэл, хэл шинжлэлийн тэнхимийн монгол хэлний бэлтгэл хөтөлбөрийг сонгон суралцагч гадаад оюутны “Монгол орон судлал -ын дадлагыг 2024 оны 10 дугаар сарын 14, 15-ны өдөр зохион байгууллаа. Энэ удаагийн монгол орны байгаль, цаг уур, газрын гадарга, хөрс ургамал, ан амьтан, монголчуудын хоол хүнс, гэр сууц, уламжлалт шашин, соёлыг газартай танилцуулах дадлагыг Төв аймгийн Бор нуур сумын нутагт орших “Аглаг бүтээлийн хийд”  хэмээх газар хийсэн бөгөөд дадлагыг тэнхимийн профессор Т.Отгонтуул, дэд профессор Б.Даваасүрэн, ахлах багш Ч.Баттулга, Б. Баяртуул, Л.Халиун нар удирдан явууллаа.

Дадлагын үеэр оюутнуудын дунд “Монгол орны намар” гэрэл зургийн уралдаан зохион байгуулсан бөгөөд 1 дүгээр байранд А-1 ангийн оюутан Жао Тиан Тиан (БНХАУ), 2 дугаар байранд Д-1 ангийн оюутан Натори Хината (Япон,) 3-р байранд Г-1 ангийн оюутан Банданова Номин (ОХУ)нарын зураг шалгарав.

2024-2025 оны хичээлийн жилд монгол хэлний бэлтгэл ангийн хөтөлбөрт Засгийн газрын тэтгэлгээр болон хувиараа япон, хятад, орос, итали, франц, герман, солонгос, тайланд, польш, чех, индонези, танзани, кени, америк, мозамбик, лаос, вьетнам зэрэг нийт 20 орчим улсын  108 гадаад оюутан суралцаж байна.