“Монгол судлал-Залгамж үе” тэтгэлгийг тав дахь жилдээ гардууллаа

Монгол судлалын бүх чиглэлээр ажиллах гадаад дотоодын суралцагчдыг Монгол судлалыг хөгжүүлэхэд судалгаа шинжилгээгээ зориулах залгамж үеэ дэмжих, тэдэнд урам зориг төрүүлэхэд тэтгэлгийн зорилго орших бөгөөд тэтгэлгийг тав дахь жилдээ олгож байна. Уг тэтгэлгийг МУИС-ийн Монгол хэлний хөтөлбөрөөр идэвхтэй суралцаж буй бакалавр, ахисан түвшний монгол суралцагч болон гадаад суралцагчдад олгодог.

“Монгол судлал-Залгамж үе” тэтгэлгийн батламж гардуулах ёслол 2023 оны тавдугаар сарын 24-ний өдөр  МУИС-ийн Багш, оюутны хөгжлийн төв байрны 502 тоот танхимд боллоо. Ёслолын ажиллагаанд МУИС-ийн Оюутны хөгжил, бодлогын газрын дарга В.Дашдаваа, Оюутны хөгжлийн төвийн эрхлэгч М.Эрдэнэчимэг, “Корнерпойнт” ХХК-ийн захирал С.Болдбаатар, ХУС-ын Ази судлалын тэнхимийн ахлах багш Б.Дулмаа, ХУС-ын Монгол хэл, хэл шинжлэлийн тэнхимийн эрхлэгч Т.Эрдэнэ-Очир, Монгол хэл, хэл шинжлэлийн тэнхимийн багш, доктор, профессор Т.Отгонтуул нар суралцагчдад баяр хүргэн тэтгэлгийн батламжийг гардуулан өглөө.

2022-2023 оны хичээлийн жилийн тэтгэлэгт ШУС-ийн ХУС-ын Хэл шинжлэл (Монгол хэл) хөтөлбөрийн 2-р түвшний суралцагч Э.Бямбасүрэн, Хэл шинжлэл (Монгол хэл)  хөтөлбөрийн магистрантур Maria Sovdagarova нар шалгарч тэтгэлгийн батламжийг гардан авлаа.

Тус тэтгэлгийг гардан авсан суралцагчдадаа цаашдын эрдэм судлалын ажилд нь өндөр амжилтыг хүсэн ерөөе.