“Жүгдэрийн Лувсандоржийн мэндэлсний 85 жилийн ой”-д зориулсан олон улсын эрдэм шинжилгээний хүндэтгэлийн хурал болно

Жүгдэрийн Лувсандорж Монгол Улсын Их Сургуулийн Монгол хэл, хэл шинжлэлийн тэнхимд багш, тэнхимийн эрхлэгч, Бүгд Найрамдах Чех Улсын Карлын Их Сургуулийн Монгол-Төвөд судлалын тэнхимд зочин багш, профессороор олон жил үр бүтээлтэй ажиллаж байсан монгол судлалын нэрт эрдэмтэн билээ. Тэрбээр монгол хэл бичиг, хэл шинжлэл, монгол судлалыг хөгжүүлэх үйлсэд насан турш зүтгэж, Монголын нууц товчоон судлал, угсаа хэл шинжлэл, монгол хэлний авиа зүй, монгол бичиг, монгол хэлийг гадаад хүнд заах онол, арга зүйн чиглэлээр олон арван эрдэм шинжилгээний өгүүлэл, ном, сурах бичиг, нэг сэдэвт бүтээл бичиж, монгол, англи, чех, орос хэлээр хэвлүүлжээ.

МУИС-ийн Монгол судлалын хүрээлэн, МУИС-ийн Монгол хэл, хэл шинжлэлийн тэнхим Ж.Лувсандоржийн мэндэлсний 85 жилийн ойг тохиолдуулан хүндэтгэлийн хурал зохион байгуулж, түүний монгол хэл бичиг, монгол судлалын чиглэлийн эрдэм шинжилгээний бүтээлийн ололт амжилт, хувь нэмрийг үнэлэн хэлэлцэнэ.

Хаана: МУИС-ийн Эрдмийн танхим

Хэзээ: 2024 оны 8 дугаар сарын 29-ний өдөр

Цахим холбоос: (Zoom Meeting Meeting ID: 860 9513 0236 Password: Mongol)

Хөтөлбөрийг энд дарж үзнэ үү!