“Жүгдэрийн Лувсандоржийн мэндэлсний 85 жилийн ой”-д зориулсан олон улсын эрдэм шинжилгээний хүндэтгэлийн хурал болно
Хурлын зорилго
Монгол хэл бичгийн салбарын нэрт эрдэмтэн Жүгдэрийн Лувсандорж нь МУИС-ийн Монгол хэлний тэнхимд багш, тэнхимийн эрхлэгч, БНЧУ-ын Карлын Их Сургуулийн Монгол-Төвөд судлалын тэнхимд зочин багш, профессороор олон жил үр бүтээлтэй ажиллаж, монгол хэл бичиг, хэл шинжлэл, гадаадын монгол судлалыг хөгжүүлэх үйлсэд насан турхруу зүтгэж, монгол хэл бичиг судлал, түүний дотор монголын нууц товчоон судлал, угсаа хэл шинжлэл, монгол хэлний авиа зүй, монгол бичиг, монгол хэлийг гадаад хүнд заах онол, арга зүйн чиглэлээр олон арван эрдэм шинжилгээний өгүүлэл, ном, сурах бичиг, нэг сэдэвт бүтээл бичиж, монгол, англи, чех, орос хэлээр хэвлүүлжээ.
Энэхүү хурлаар Ж.Лувсандорж багштаны мэндэлсний 85 жилийн ойг тохиолдуулан, түүний монгол хэл бичиг, монгол судлалын чиглэлээр хийсэн эрдэм шинжилгээний бүтээлийн ололт амжилт, монгол судлалд оруулсан хувь нэмрийг үнэлэн хэлэлцэж нэгтгэн дүгнэх зорилготой юм.
Хамрах хүрээ
Тус хуралд дараах сэдвийн хүрээнд ирүүлсэн илтгэлийг хэлэлцүүлнэ.
- Монгол судлалыг хөгжүүлэхэд Ж.Лувсандоржийн оруулсан хувь нэмэр
- “Монголын нууц товчоон” судлалд Ж.Лувсандоржийн оруулсан хувь нэмэр
- Монгол хэлийг гадаад хэл болгон заах онол, арга зүйд Ж.Лувсандоржийн оруулсан хувь нэмэр
- Монгол хэлний судалгаанд Ж.Лувсандоржийн оруулсан хувь нэмэр
- Ж.Лувсандоржийн монголын уламжлалт мэдлэг, сурган хүмүүжүүлэх зүйн талаар хийсэн судалгаа
- Дурсамж
Илтгэлийн сэдэв, хураангуй хүлээн авах хугацаа:
- Илтгэлийн сэдэв, хураангуй хүлээн авах: 2024.07.25
- Хариу өгөх: 2024.08.05
- Хуралд оролцогч нарт хөтөлбөр түгээх: 2024.08.20
Хурлын удирдамжийг ЭНД дарж татна уу!
Илтгэлийн сэдэв, хураангуй, мэдүүлгийн хуудсыг хүлээн авах цахим хаяг:
- erdeneochir@num.edu.mn, reiss.chongor@gmail.com
- Хурлын албан ёсны хэл: монгол, англи
- Илтгэлийн хураангуй нь 250-350 үгтэй байна
- Илтгэл хэлэлцүүлэх хугацаа: 20 минут
Хаана: МУИС-ийн Төв байр, Эрдмийн танхим (Дугуй заал)
Хэзээ: 2024.08.29
Холбоо барих цахим хаяг: erdeneochir@num.edu.mn,
Утасны дугаар: +976 99957717
Зохион байгуулагч:
- МУИС, Монгол судлалын хүрээлэн
- МУИС, Монгол хэл, хэл шинжлэлийн тэнхим
