“ДЭЛГЭРЭНГҮЙ ТАЙЛБАРТАЙ МОНГОЛЫН НУУЦ ТОВЧООН” бүтээлийн хоёр дахь хэвлэл нийтийн хүртээл боллоо

     Монгол Улсын Ерөнхийлөгчийн санаачилгаар бүтээсэн, гурван зүйл эх, 4300 гаруй тайлбар бүхий “Дэлгэрэнгүй тайлбартай Монголын нууц товчоон” бүтээлийн хоёр дахь хэвлэл энэ оны эхээр “Тайлбарын хэлхээ” нэмсэн хувилбараар олон нийтийн хүртээл боллоо.

     Тус бүтээлийг монголын хэл, түүх, соёл, уран зохиол, сурвалж судлал, газар зүй, нэр судлал зэрэг олон салбарын 25 эрдэмтэн хамтран бичсэн болно.

     МУИС-аас бүтээлийн хэлний багийн ахлагчаар Монгол Улсын Ардын багш, Төрийн соёрхолт, профессор Ш.Чоймаа, ажлын хэсгийн гишүүнээр МУИС-ийн Монгол судлалын хүрээлэнгийн захирал, профессор Д.Заяабаатар, зохиогч, редактораар Монгол хэл, хэл шинжлэлийн тэнхимийн дэд профессор Э.Мөнх-Учрал, зохиогчоор МУИС-ийн Монгол судлалын хүрээлэнгийн Эрдмийн зөвлөлийн дарга, академич Д.Төмөртогоо, Монгол Улсын Төрийн соёрхолт, профессор Ц.Шагдарсүрэн, Монгол хэл, хэл шинжлэлийн тэнхимийн ахлах багш, доктор М.Жавхлан, Б.Энхсувд, Монгол хэл, хэл шинжлэлийн тэнхимийн докторант Э.Жаргалмаа нар ажилласан байна.

     МУ-ын  Ерөнхийлөгч 2024 оны 2 сарын 19-нд зохиогчийн багийг хүлээн авч уулзан талархал илэрхийллээ.

     Тус бүтээлийн цахим хувилбарыг энд-ээс үзнэ үү.