2025-2026 оны хичээлийн жилийн МУИС-ийн Түүхийн тэнхимийн оюутны эрдэм шинжилгээний хурал 2026 оны IV сарын 16-ны өдөр амжилттай болж өндөрлөв.

Хуралд МУИС, МУБИС-ийн нийт 14 оюутны илтгэл ирүүлсэн юм. Тэдгээрээс 3 оюутны илтгэлийг шагналт байрт шалгаруулав. Үүнд:

• Тэргүүн байрыг МУИС-ийн БНУБ хөтөлбөрийн IV түвшний оюутан Г.Лянхуацэцэг “БНМАУ-ын анхдугаар 5 жилийн хонь өсгөх төлөвлөгөөний гүйцэтгэлд хийсэн шинжилгээ” сэдэвт илтгэлээр,
• Дэд байрыг МУИС-ийн Антропологи, археологийн тэнхимийн 2-р түвшний оюутан Ш.Ундрах-Эрдэнэ “Монголын нууц товчооны 275-р зүйлийг нягтлах нь” сэдэвт илтгэлээр,
• Гуравдугаар байрыг МУБИС-ийн Түүхийн тэнхимийн Түүх, нийгмийн ухааны багшийн хөтөлбөрийн 4-р түвшний оюутан Э.Баатар “Хор дагалдуулах зан үйлийг нягтлах нь” сэдэвт илтгэлээр тус тус эзлэв.

Номчийн талх үргэлж өөдөө өнхөрөх болтугай!