Монгол улсын гавьяат багш, МУИС-ийн Түүхийн тэнхимийн зөвлөх профессор, доктор С.Отгонжаргал “Үнэт зүйлсийг дахин үнэлэхүй: Богд хаант Монгол улс хүн төвт Үндсэн хуулийг боловсруулж байсан түүхээс” сэдэвт МУИС-ийн Алтан фондод үлдэх хүндэтгэлийн лекц 2024 оны 10 дугаар сарын 16-нд МУИС-ийн Эрдмийн танхимд олон нийтэд уншлаа. Тус лекцийг МУИС-ийн Ахмад багш ажилчдын нэгдсэн холбоо, Соён гэгээрүүлэх телевизтэй хамтран зохион байгуулсан бөгөөд лекцэд Түүхийн тэнхимийн хамт олон, С.Отгонжаргал багштай хамтран ажиллаж байсан ахмад багш, үе үеийн шавь, оюутнуудын төлөөлөл хүрэлцэн ирж оролцлоо.

Эрдмийн гэгээ мөнхөд гийж болтугай!