МУИС-ийн Түүхийн тэнхим ШУА-ийн Түүх, угсаатны зүйн хүрээлэнтэй хамтран 2024 оны 10 дугаар сарын 16-нд Түүхийн шинжлэх ухааны доктор Д.Гонгорын мэндэлсний 100 жилийн ойд зориулан “Доктор Д.Гонгор ба Монголын дундад үеийн түүхийн судалгаа” эрдэм шинжилгээний хурлыг МУИС-ийн Багш, оюутны хөгжлийн төвийн 502 тоот хурлын танхимд амжилттай зохион байгуулав. Тус хуралд судлаач, эрдэмтэд 14 илтгэл хэлэлцүүлсний дотор БНХАУ-ын Нийгмийн шинжлэх ухааны академийн Эртний түүх судлах газрын профессор, доктор Хошууд Цэнгэл, Японы Тохоку их сургуулийн Зүүн Хойт Ази судлалын төвийн профессор Ока Хироки нар байв.

Хурлын үеэр доктор Д.Гонгорын “Эрдэм шинжилгээний бүтээлийн чуулган” дөрвөн боть номын нээлт боллоо.