Японы Монгол судлалын холбооны хаврын эрдэм шинжилгээний хурал 2026 оны 5 сарын 16-ны өдөр Токиогийн Гадаад Судлалын их сургууль (Tokyo University of Foreign Studies, Tokyo, Japan)-д болж, Япон, Монгол, БНХАУ зэрэг орны эрдэмтэн судлаачид судалгааны сүүлийн үеийн үр дүнг хэлэлцүүлэв.

Энэ удаагийн эрдэм шинжилгээний хуралд МУИС-ийн Түүхийн тэнхимийн дэд профессор, доктор (Ph.D) Э.Жигмэддорж урилгаар оролцож, “XVI-XVII зууны Халх дахь дархлах ёсны тухай” сэдвээр үндсэн илтгэлийг тавьж, амжилттай хэлэлцүүллээ.

Японы Монгол судлалын холбооны хуралд Монгол Улсаа төлөөлөн оролцож, үндсэн илтгэл хэлэлцүүлсэн нь МУИС-ийн Түүхийн тэнхимийн эрдэмтэн, судлаачдын судалгааны үр дүнг олон улсын түвшинд таниулах, цаашид гадаад хамтын ажиллагааг өргөжүүлэх, хамтарсан төсөл, хөтөлбөр хэрэгжүүлэхэд чухал нөлөөтэй.

Дэд профессор, доктор (Ph.D) Э.Жигмэддорж нь Япон, ХБНГУ, БНХАУ зэрэг орны шилдэг их, дээд сургуульд урилгын зочин профессор, зочин судлаачаар ажиллаж, олон улсын монгол судлалын хүрээнд танигдсан судлаач, эрдэмтний нэг болно.