МУИС-ийн ШУС-ийн ХУС-ын Европ судлалын тэнхим их, дээд сургуулийн оюутны орос хэлний 12 дахь удаагийн олимпиадыг 2024 оны дөрөвдүгээр сарын 27 ны өдөр амжилттай зохион байгууллаа. Энэ удаагийн олимпиадад МУИС, ШУТИС, МУБИС, ХИС, ҮБХИС, АШУҮИС, ИЗОУИС, Ач анагаах ухааны их сургууль, Төмөр замын дээд сургууль зэрэг есөн их, дээд сургуулийн 100 орчим оюутан оролцов.

Мэргэжлийн ангилалд орос хэлний мэргэжилтэн бэлдэж буй МУИС болон МУБИС-ийн оюутнууд, мэргэжлийн бус ангилалд орос хэлний хичээлийг сонгон судалдаг оюутнууд оролцлоо. Тус ангилалд МУИС-ийн ШУС-ийн орос хэлний орчуулагч хөтөлбөрийн III түвшний оюутан Б.Бүжмаа тэргүүн байр, МУБИС-ийн орос-англи хэлний багшийн II түвшний оюутан Ө.Хуандых дэд байр, Е.Елик гутгаар байр, МУИС-ийн орос хэлний багш хөтөлбөрийн I түвшний оюутан Шимамура Жүн, орос хэлний багш хөтөлбөрийн III түвшний оюутан Б.Болормаа нар тусгай байр тус тус эзэлсэн юм.

Мэргэжлийн бус ангилалд МУИС-ийн англи хэлний багш хөтөлбөрийн II түвшний оюутан Д.Мичид тэргүүн байр, МУИС-ийн Бизнесийн сургуулийн санхүү менежмент хөтөлбөрийн II түвшний оюутан Ц.Номиндарь дэд байр, МУИС-ийн солонгос орон судлал хөтөлбөрийн II түвшний оюутан Г.Маралгоо гутгаар байр, МУИС-ийн ШУС-ийн эдийн засаг хөтөлбөрийн II түвшний оюутан Т.Гоо-Үжин, МУИС-ийн УТОУХНУС-ийн II түвшний оюутан Б.Анужин нар тусгай байр тус тус эзэллээ.

Их, дээд сургуулийн оюутны орос хэлний олимпиадын шагнал гардуулах үйл ажиллагааг 2024 оны тавдугаар сарын 09-ний өдөр зохион байгууллаа. Шагнал гардуулах ёслолд ШУС-ийн Хүмүүнлэгийн ухааны салбар хариуцсан захирал доктор Н.Алтантөгс, Европ судлалын тэнхимийн эрхлэгч доктор, дэд профессор Н.Мөнх, Европ судлалын тэнхимийн зөвлөх профессор, доктор Н.Нансалмаа болон орос хэлний салбарын багш, оюутнууд оролцов.