“МӨНХ ТЭНГЭРИЙН БИЧИГ-2023” УРАН БИЧЛЭГИЙН ШИЛДГҮҮД ТОДОРЛОО

     Монгол Улсын Их Сургуулийн Шинжлэх ухааны сургуулийн Хүмүүнлэгийн ухааны салбарын Монгол хэл, хэл шинжлэлийн тэнхимийн оюутнууд Монгол Улсын Ерөнхийлөгчийн Тамгын газраас Их эзэн Чингис хааны мэндэлсэн Монгол бахархлын өдрийг тохиолдуулан уламжлал болгон зохион байгуулдаг “Мөнх тэнгэрийн бичиг-2023” монгол уран бичлэгийн үзэсгэлэнд амжилттай оролцлоо.

     Энэхүү үзэсгэлэнгийн оюутны ангилалд “Багш, монгол хэл, уран зохиолын боловсрол” хөтөлбөрийн I түвшний оюутан Ч.Өнөрзаяа “Гэсэрийн тууж” бүтээлээрээ 1-р байр, “Багш, монгол хэл, уран зохиолын боловсрол” хөтөлбөрийн III түвшний оюутан Б.Хүслэн-Эрдэнэ “Дэлхийн нийслэл Хархорум” бүтээлээрээ 2-р байр, “Багш, монгол хэл, уран зохиолын боловсрол” хөтөлбөрийн I түвшний оюутан Ү.Энхжин “Саран хөхөөний тууж” бүтээлээрээ 3-р байрт шалгарав.

     Оюутан Ч.Өнөрзаяа, Б.Хүслэн-Эрдэнэ, Ү.Энхжин нарт баяр хүргэж, амжилт хүсье.

Ч.Өнөрзаяа “Гэсэрийн тууж”

Б.Хүслэн-Эрдэнэ “Дэлхийн нийслэл Хархорум”

Ү.Энхжин “Саран хөхөөний тууж”