Монгол улс үндэсний эрх чөлөө, тусгаар тогтнолоо сэргээн мандуулсны 112 жилийн ойг тохиолдуулан МУИС-ийн Түүхийн тэнхимээс “Таван замын байлдаан – 110 жил” эрдэм шинжилгээний хурлыг 12 дугаар сарын 26-ны өдөр зохион байгуулав. Тус эрдэм шинжилгээний хуралд 7 илтгэл хэлэлцэгдсэн бөгөөд Түүхийн тэнхимийн профессор Ж.Урангуа “Нэгдсэн Монгол улсаа  байгуулах сэдэл, тэмүүлэл сургамж”, Д.Баярсайхан “Таван замын дайн Монголын түүх бичлэгт”, Н.Алтантөгс “Таван замын байлдаан уу, Монгол-Хятадын дайн уу?”, Б.Батсүрэн “1913 оны Монгол ба Дундад Иргэн улсын цэрэг (зарим асуудлыг тодруулах оролдлого)” сэдвээр, Үндэсний архивын газрын эрдэм шинжилгээний зөвлөх Г.Дашням “Дундад иргэн улс, Хаант Орос улсын шахалт ба Таван замын байлдааны төгсгөл”, Батлан хамгаалахын эрдэм шинжилгээний хүрээлэнгийн захирал Т.Сүхбаатар “Таван замын байлдаан ба их гүрнүүдийн байр суурь”, Богд хааны ордон музейн эрдэм шинжилгээний ажилтан Г.Баярмаа “Таван замын байлдаанд лам нарын оролцоо” сэдвээр тус тус илтгэл тавилаа.