Түүхийн тэнхимийн суурь судалгааны үр дүнд хэвлэгдсэн  “Сум-нэгдлийн тогтолцоо” бүтээлийн зохиогчдын нэг, ШУА-ийн ОУСХ-ийн эрдэмтэн нарийн бичгийн дарга Р.Төрдалай доктор 2023 оны 12-р сарын 14-нд сум-нэгдлийн газрын харилцааны тухай “Сум нэгдлийн тогтолцоо ба газрын харилцаа” сэдэвт илтгэлийг Профессорын семинарт хэлэлцүүллээ. Илтгэгч өнөөгийн улсын засаг захиргааны тогтолцоо бүрдэхд сум нэгдлийн газрын харилцааны түүхэн нөлөө үзүүлсэн боловч сум-нэгдлийн газар бэлчээрийн хил заагийг эдийн засгийн үүднээс нарийвчлан тооцоогүй тогтоосон явдал сум-нэгдлүүд бэлчээрийн хомсдолд хүрэх, улмаар бэлчээрийн маргаан байнга гарах үндэс болж байсан хэмээгээд 1971 оны БНМАУ-ын газар эдэлбэрийн хууль сум-нэгдлийн удирдлага, нийгэм, соёлын хөгжилд онцгой нөлөө үзүүлсэн болохыг дүгнэв. Хэлэлцүүлэгт ахисан түвшний суралцагчид, их дээд сургуулийн багш, оюутнууд, судалгааны байгууллагуудын ажилтнуудаас гадна социологи зэрэг бусад салбар ухааны судлаачид оролцож санал, шүүмж өглөө.

Цуврал хэлэлцүүлгийн дараагийн хэлэлцүүлэгт ХААН-ийн эдийн засаг-нийгмийн түүхийн өвөрмөц сонирхолтой асуудлуудыг авч үзэх тул түүх судлаач, суралцагч та бүхнийг хүрэлцэн ирж оролцохыг урьж байна.