МУИС-ийн Түүхийн тэнхим БНХАУ-ын Фуданий их сургуулийн Түүхийн тэнхим, Япон улсын Васедагийн их сургуулийн Төв Азийн түүх, соёлын судалгааны хүрээлэнтэй хамтран 2023 оны 9-р сарын 16-17-нд Хятадын Фуданий их сургуульд “XIII-XIX зууны Төв Азийн түүх, соёл” олон улсын бага хурал зохион байгуулав. Тус эрдэм шинжилгээний бага хуралд доктор Н.Алтантөгс “Хятад хэмээх нэрийн түүхэн үндэс” сэдвээр үндсэн илтгэл, профессор, доктор П.Дэлгэржаргал “Их Монгол улсын даругачи, захирагчийн тогтолцоо”, доктор Б.Батсүрэн “1236-1242 онд Орос, Зүүн Европ руу довтолсон монгол цэргийн тоо” сэдвээр тус тус илтгэлүүд хэлэлцүүлэв.