2023 оны 9-р сарын 16, 17-нд өдрүүдэд Түүхийн тэнхимийн оюутнуудын зохион байгуулсан намрын улирлын хээрийн танилцах өдөрлөг амжилттай болж өнгөрлөө. Энэ удаагийн өдөрлөгийг П.Дэлгэржаргал багштай түүхийн 3-р түвшний анги зохион байгуулсан ба нийт 21 оюутан хамрагдав. Бидний зохион байгуулсан өдөрлөгт оролцсон Түүхийн ангийн 4-р түвшний 9 оюутан, 3-р түвшний 6 оюутан, 2-р түвшний 2 оюутан, БНУБ-ын ангийн 3-р түвшний 3 оюутан, 1-р түвшний 1 оюутан та бүхэндээ чөлөө цагаа зориулж хамтдаа нэгэн өдрийг дурсамж дүүрэн бүтээсэнд талархаж байна.

Бидний оюутнууд тусгай автобусаар Бэлх зусланд байрлах байшинд өдрийн 13 цаг 30 минутын орчим очиж хамтдаа цайлж, танилцаж, хөгжөөнт тоглоом тоглож, хооллож дотносон танилцав. Цаг агаар хүйтэн, бороо хур орж таагүй уур амьсгалтай байсан ч бидний дунд халуун дотно яриа хөөрөө, нөхөрлөл өрнөн бэхжихэд огтхон ч саад болсонгүй.

Ингээд дийлэнх оюутнууд үдшийн турш хөөрөлдөн ярилцсаар нэг мэдэхэд үүр цайсан байв. Өглөөний цай хоол амттай, сэтгэл санаа хангалуун буцацгаав.