Нийгмийн эрэлт хэрэгцээ болсон Монгол Улсын гадаадтай харилцах, гадаадад өөрсдийгөө зөв ойлгуулах, соёлын зөөлөн хүчийг түгээх, гадны соёлыг зөв оновчтой дамжуулах үндэсний орчуулагч, хэлмэрч мэргэжилтний чадамжийг сайжруулах асуудлыг нийгэм нийтээрээ хэлэлцэн, зөв гарц гаргалгааг тодорхойлон, нэг зорилгод чиглэх ажлыг ахиулахад энэхүү үндэсний хэмжээний чуулганыг зохион байгуулахын зорилго, ач холбогдол оршино.

Чуулганыг зохион байгуулах бэлтгэл ажлын хүрээнд орчуулгын салбарын байгууллага, иргэдийн  хэлэлцүүлэг зохион байгуулж, саналыг нэгтгэнэ. Хэлэлцүүлэгт 18 наснаас дээш насны Монгол Улсын иргэн оролцоно.

Хэлэлцэх сэдвүүд:

• Орчуулгын салбарын тулгамдсан асуудал
• Орчуулагч, хэлмэрч мэргэжилтний чадамж
• Орчуулгын бүтээлийн чанар стандарт
• Орчуулгын салбарын хөгжлийн шийдэл

Хэлэлцүүлэгийн хамрах хүрээ: Утга зохиол, шинжлэх ухаан, нийгэм, улс төр, хэвлэл, мэдээлэл, мэргэжлийн орчуулгын байгууллага

Хаана: МУИС, I байр, Эрдмийн танхим (Дугуй заал)
Хэзээ: 2024.09.10-ны 14:00 цаг