МУБИС-ийн нийгмийн ухааны тэнхимийн багш Ж.Отгонбаяр “Домог зүйн сэтгэлгээ” сэдвээр лекц уншлаа
МУИС-ийн философи, шашин судлалын тэнхимийн урилгаар МУБИС-ийн нийгмийн ухааны тэнхимийн багш, философич Ж.Отгонбаяр “Домог зүйн сэтгэлгээ” сэдвээр 2024 оны 3 сарын 7-ны өдөр нээлттэй лекц уншив. Лекцэнд Философи, шашин судлал, түүх, утга зохиол судлал болон сонирхсон багш, оюутнууд оролцов.
Профессор Ж.Отгонбаяр нь домог зүйн чиглэлээр судалгаа хийдэг бөгөөд тухайлбал, “Алтан гишүү,” “Бүтцийн антропологи,” “Онго шүтлэг ба хорио цээр” зэрэг олон чухал бүтээлийг орчуулан гаргасан юм. Хамгийн сүүлд тэрээр “Софило” цувралын X дугаарт Ж.Ж.Фрэзeрийн “Домог зүйн хүн судлал” номыг орчуулан гаргасан юм. Философи, шашин судлалын тэнхимийн багш С.Дэмбэрэл уг орчуулгын бүтээлийн редактораар ажилласан байна.
Лекцэд оролцсон багш, оюутнууд домог гэж юу болох, хүн төрөлхтний сэтгэлгээ, түүхэнд домгийн гүйцэтгэсэн үүрэг, орчин үед домог болон домгийн сэтгэлгээ хэрхэн оршиж байгаа зэрэг сэдвээр асуулт дэвшүүлж, сонирхолтой хэлэлцүүлэг өрнүүлжээ.