МУИС-ийн ШУС-ийн ХУС-ын Ази судлалын тэнхимийн багш, оюутны “Спортоор нөхөрлөе” өдөрлөг 2024 оны 04-р сарын 13-ны өдөр амжилттай зохион байгуулагдлаа.

Тус спорт өдөрлөг Ази судлалын тэнхимийн хүрээнд анх удаагаа зохион байгуулагдсан бөгөөд Солонгос судлал, Турк судлал, Хятад судлал, Япон судлалын нэгээс дөрөв дүгээр курсийн нийт 100 гаруй оюутнуудын оролцоотойгоор спортын сагсан бөмбөг 3х3, гар бөмбөг (холимог), ширээний теннис (эр, эм) болон дарст (эр, эм) гэсэн дөрвөн төрөлт тэмцээнээр хурд хүч, авьяас чадвар, авхаалж самбаагаа сорилоо.

Энэхүү спорт өдөрлөгт Ази судлалын тэнхимийн багш нар дээрх дөрвөн төрөлд баг бүрдүүлж оролцсон нь оюутнуудын идэвх санаачлагыг нэмэгдүүлэх, оюутан багшийн эргэх холбоог сайжруулах зэрэг олон талын ач холбогдолтой байв.

Мөн тухайн дөрвөн төрөлт тэмцээний нийлбэр дүнгээр шилжин явах цомын эзнийг тодруулсан бөгөөд нийт 39 оноогоор Солонгос орон судлалын баг тэргүүллээ. Хоёрдугаар байранд Хятад орон судлалын баг, гуравдугаар байранд Турк орон судлалын баг тамирчид шалгарлаа.

ХҮМҮҮНЛЭГИЙН УХААНЫ САЛБАР
АЗИ СУДЛАЛЫН ТЭНХИМ