Ахисан түвшний суралцагчдын эрдэм шинжилгээний хурлын удирдамж

Эрдэм шинжилгээний хурал нь Философи, шашин судлал, буддын гүн ухааны ахисан түвшний суралцагчид судалгааны ажлынхаа үр дvнг мэргэжлийн нийгэмлэгийнхэнд танилцуулах, шүүмжлэлт хэлэлцүүлэг өрнүүлэх, судлаачдын санал байр суурийг сонсох, судалгааны арга зүйгээ боловсронгуй болгох, мэдээлэл солилцох зорилготой.

Илтгэл хүлээн авах Илтгэлийг 2025 оны 4-р сарын 04-ний өдрийн 17.00 цагаас өмнө Философи, шашин судлалын тэнхимд (237 тоот өрөө) хэвлэмэл болон файлаар ирүүлнэ.

Магистрант, докторант нар өөрсдийн батлуулсан судалгааны ажлын сэдвийн хүрээнд хийсэн судалгааныхаа үр дүнгээс бэлтгэсэн илтгэлийг хэлэлцүүлнэ. Магистрант, докторантын судалгааны ажлын удирдагч багш илтгэлийг удирдсан байна.

Эрдэм шинжилгээний хурал 2025 оны 4 дүгээр сарын 08-ны Мягмар гарагт 14:00 цагт МУИС-ийн хичээлийн II байрны 439 тоотод эхэлнэ.

Эрдэм шинжилгээний илтгэлд тавигдах форматын шаардлага:

• Илтгэл нь илтгэлийн нэр, хураангуй, түлхүүр үг, оршил, үндсэн хэсэг, дүгнэлт, ашигласан ном, өгүүллийн жагсаалтаас бүрдэнэ. Хэмжээ А4 хэмжээтэй 7-10 нүүр байна.
• Илтгэлийг UNICODE ашиглаж, “Times New Roman” фонт дээр 12 pt үсгийн өндрийг сонгон, мөр хоорондын зай 1,5 байх, А4 хэмжээний цаасан дээр хуудасны дээд, доод, баруун талаас 2,5 см, зүүн талаас 3 см зайг үлдээж бичнэ. Эшлэл, ном зүйг APA загвараар хийнэ. https://apastyle.apa.org/style-grammar-guidelines
• Илтгэлийн хураангуйг 15 мөр, 200 үгэнд багтааж бичнэ.
• Илтгэлд 4-5 түлхүүр үг хэрэглэнэ.
• Илтгэлийн төгсгөлд ашигласан ном, зохиолын жагсаалт орно.
• Илтгэлд эшлэл зүүлт авсан байна.

Эрдэм шинжилгээний илтгэлийг шалгаруулах шалгуур үзүүлэлтүүд:

• Судалгааны сэдвийг үндэслэсэн байдал
• Судалгааны ажлын онол, арга зүйн үндэслэл
• Судалгааны ажлын зорилго, зорилтууд
• Судалгааны өгөгдөл, эх сурвалжтай ажилласан байдал
• Бичлэг, найруулга
• Илтгэх ур чадвар

Холбоо барих: Философи, шашин судлалын тэнхим Утас: 77307730-2220

Майл хаяг: munkhjavkhlan@num.edu.mn