Профессорын семинар боллоо

Монгол хэл, хэл шинжлэлийн тэнхимийн багш, доктор, профессор Т. Отгонтуулын удирдан явуулдаг ээлжит семинарт БНХАУ-ын Даляний Гадаад хэлний их сургуулийн Зүүн Хойд Азийн Хэлний судалгааны төвийн судлаач, доктор Шю Юнь оролцож «Жин Пин Мэй бичиг (ma: gin ping mei bidhe)”-ийн манж орчуулгын асуудалд” сэдвээр илтгэл хэлэлцүүллээ. “Жин Пин Мэй бичиг” зохиолын гуч гаруй бар хэвлэл буй бөгөөд тэрээр энэ удаад дөрвөн эхийг харьцуулан судалж ялангуяа Даляний номын санд хадгалагдаж байсан нэгэн шинэ эхийг олж судалсан судалгааныхаа үр дүнг хуваалцлаа. Доктор Шю Юнь дэлхийн улс орнуудад хадгалагдаж буй манж, монгол хэлээрх бичгийн материал түүн дотроо Мин,Чин улсын үеийн хятадын уран зохиолын манж, монгол орчуулгын талаар судалгаа хийдэг юм. Тус семинарт манж, монгол, хятад хэлээрх сурвалжийн орчуулга судлалаар ажиллаж буй гадаад дотоодын судлаач, магистрант, докторантууд оролцсон бөгөөд харилцан яриа өрнүүлж, цаашид хамтран ажиллах судалгааны шинэ чиг, ном бүтээлийн тухайд санал солилцлоо.