МОНГОЛ ХЭЛ, ХЭЛ ШИНЖЛЭЛИЙН ТЭНХИМИЙН 80 ЖИЛИЙН ОЙН БАЯРЫН НЭГДСЭН ХӨТӨЛБӨР

БНМАУ-ын Сайд нарын зөвлөл, МАХН-ын төв хорооны 1945 оны 7-р сарын 27-ны өдрийн хамтарсан хурлын 51/44 дүгээр тогтоолоор Маршал Чойбалсангийн нэрэмжит Улсын Их Сургуульд Хэл бичиг, утга зохиолын ангийг 1945 оны 9-р сарын 01-ний өдөр нээж, 33 оюутантай хичээллүүлж эхлэн 1949 онд анхны 19 оюутныг төгсгөж байсан нь өнөөгийн Монгол хэл, хэл шинжлэлийн тэнхимийн үндэс суурь болсон билээ.

Монгол хэл, хэл шинжлэлийн тэнхим нь байгуулагдсан цагаасаа хойш өнөөг хүртэл үндэсний хэмжээнд монгол хэл, бичгийн дээд боловсролтой багш, судлаач мэргэжилтнийг бэлтгэх, монгол хэл бичиг, хэл шинжлэлийн сургалт, судалгааг тогтолцоотойгоор хөгжүүлэх, олон улсын монгол судлаачдыг бэлтгэх, дэлхийн монгол судлалын төвүүдийн монгол судлалын сургалт, судалгааг бэхжүүлэх үйлсэд манлайлан оролцсоор ирсэн юм.

МУИС-ийн Монгол хэл, хэл шинжлэлийн тэнхимийн 80 жилийн түүхийг бүтээлцэж, монгол хэл, монгол бичиг соёлоо судлан шинжлэх, заан сургах, түгээн дэлгэрүүлэх, сурталчлан таниулах үйлсэд эрдэм ухаан, билиг оюунаа зориулж, эх орныхоо хөгжил цэцэглэлт, мандал бадралын хөтөч манлайлагч нь байж ирсэн МУИС-ийн Монгол хэл, хэл шинжлэлийн тэнхимийн үе үеийн эрдэмтэн багш, ажилтан, төгсөгч, оюутан, ажил олгогч, хамтран ажиллагч байгууллагын хамт олон Та бүхэндээ Монгол Улсын Их Сургуулийн Монгол хэл, хэл шинжлэлийн тэнхимийн 80 жилийн тэгш ойн баярын мэндийг өргөн дэвшүүлье!

МУИС-ийн Монгол хэл, хэл шинжлэлийн тэнхимээс 80 жилийн ойг тохиолдуулан зохион байгуулах үйл ажиллагааны нэгдсэн хөтөлбөрийг толилуулж буйг хүлээн авна уу.

МОНГОЛ ХЭЛ, ХЭЛ ШИНЖЛЭЛИЙН ТЭНХИМ

Ойн хүрээнд зохион байгуулах бусад үйл ажиллагааны дэлгэрэнгүй хөтөлбөрийг дараах холбоос дээр дарж үзнэ үү.

• “Монгол хэл шинжлэл” олон улсын эрдэм шинжилгээний хурал:  МОНГОЛ ХЭЛ ШИНЖЛЭЛ-2025
• Ахисан түвшний оюутны эрдэм шинжилгээний хурал: АХИСАН ТҮВШНИЙ ЭРДЭМ ШИНЖИЛГЭЭНИЙ ХУРАЛ
• Бакалаврын оюутны эрдэм шинжилгээний хурал: ОЮУТНЫ ЭРДЭМ ШИНЖИЛГЭЭНИЙ ХУРАЛ – Монгол хэл, хэл шинжлэлийн тэнхим
• Төгсөгч, багш нарын уулзалт: ЭРХЭМ ТӨГСӨГЧ ТАНЫГ ХҮНДЭТГЭН УРЬЖ БАЙНА