Ахисан түвшний оюутны эрдэм шинжилгээний хурал -2025

БНМАУ-ын Сайд нарын зөвлөл, МАХН-ын Төв хорооны 1945 оны 51/44 дүгээр тогтоолоор Маршал Чойбалсангийн нэрэмжит Улсын Их Сургуулийн Багш нарын факультетын харьяанд Хэл бичиг, утга зохиолын ангийг нээж 33 оюутантай хичээллүүлж эхэлсэн нь Монгол хэл, хэл шинжлэлийн тэнхимийн үндэс суурь болсон юм.

МУИС-ийн Монгол хэл, хэл шинжлэлийн тэнхим олон улсын болон улсын хэмжээнд монгол хэл, бичгийн дээд боловсролтой багш мэргэжилтэн бэлтгэх; монгол хэл бичиг, хэл шинжлэлийн сургалт, судалгааг тогтолцоотойгоор хөгжүүлэх үйлсэд хувь нэмэр оруулж ирсэн билээ.

МУИС-ийн Монгол хэл, хэл шинжлэлийн тэнхим байгуулагдсаны 80 жилийн ойг тохиолдуулан “Ахисан түвшний оюутны эрдэм шинжилгээний хурал”-ыг Монгол Улсад монгол хэл бичгийн чиглэлээр мэргэжилтэн бэлтгэдэг их, дээд сургуулийн дунд зохион байгуулна. Хурал МУИС-ийн хичээлийн I байрны Эрдмийн танхимд 2025 оны 11 дүгээр сарын 27-ны өдөр болно.

Ахисан түвшний суралцагч Та бүхнийг хуралд оролцож, судалгаа шинжилгээний ажлын үр дүнгээ хэлэлцүүлэхийг урьж байна.

Шагнал:

I байр              1.500.000 төгрөг

II байр             1.000.000 төгрөг

III байр            700.000 төгрөг

Тусгай байр     300.000 төгрөг

Тусгай байр     300.000 төгрөг

Монгол судлалын бүтээлийн дээж

Илтгэл хүлээн авах хугацаа, хэлбэр:

Илтгэлийг 2025 оны 11 дүгээр сарын 20-ны өдрийн 18:00 цаг хүртэл цаасан болон цахим хэлбэрээр Монгол хэл, хэл шинжлэлийн тэнхим (ganbaatarj@num.edu.mn)-д хүлээн авна.

Холбоо барих:

МУИС-ийн хичээлийн II байр, 305 тоот, 75754400, 77307730-2214, 2215.

Удирдамжийг энд дарж үзнэ үү!