Оюутны эрдэм шинжилгээний хурал боллоо

   МУИС-ийн Монгол хэл, хэл шинжлэлийн тэнхимийн Оюутны эрдэм шинжилгээний хурал 2025 оны 4 сарын 18-ны өдөр болж өндөрлөлөө. Тус хуралд Монгол хэл, хэл шинжлэлийн тэнхимийн “Хэл шинжлэл”, “Багш монгол хэл, уран зохиолын боловсрол” хөтөлбөрийн 7 оюутан оролцож “Багш монгол хэл, уран зохиолын боловсрол” хөтөлбөрийн 4-р түвшний оюутан З.Анужин “Монгол хэлний -γalǰa дагаврын тухай” (Удирдагч: дэд профессор Ж.Ганбаатар) илтгэлээр тэргүүн байр, “Багш монгол хэл, уран зохиолын боловсрол” хөтөлбөрийн 4-р түвшний оюутан Г.Мөнхзул “Монгол хэл анхлан суралцаж буй гадаад оюутны дуудлагад гарч буй зарим асуудал (хятад хэлт оюутны жишээгээр)” (Удирдагч: дэд профессор Ц.Батдорж) илтгэлээр дэд байр, “Багш, монгол хэл-уран зохиолын боловсрол” хөтөлбөрийн 2-р түвшний оюутан Ч.Өнөрзаяа “Пүрэв гүнгийн орчуулсан “Хааны бичсэн нэмж тогтоосон манж үгийн толь бичиг”-ийн “Хөгжмийн зүйл”-ийг “Хорин нэгт”-ийн тайлбар тольтой харьцуулах нь” (Удирдагч: дэд профессор М.Жавхлан) илтгэлээр гутгаар байр, “Багш, монгол хэл-уран зохиолын боловсрол” хөтөлбөрийн 3-р түвшний оюутан Н.Отгонсүрэн “Монгол хэлний өнгө заасан тэмдэг нэрийн дагалдах утга (connotation)-ыг нийгэм хэл шинжлэлийн үүднээс турших нь” (Удирдагч: дэд профессор Ц.Батдорж) илтгэлээр тусгай байр эзлэв.

   Илтгэл хэлэлцүүлсэн оюутнууддаа баяр хүргэж, эрдэм судлалын ажилд нь амжилт хүсье!

Мэдээ бэлтгэсэн: МХХШТ-ийн ахлах багш Л.Халиун