2026 оны 05 сарын 01-ний өдөр Ази судлалын тэнхимийн Хятад хэлний салбарын оюутнууд 25 дахь удаагаа зохион байгуулагдаж буй дэлхийн их дээд сургуулийн оюутнуудын “Хятад хэлний гүүр” олимпиадын Монгол дахь шалгаруулалтад оролцож өндөр амжилтыг үзүүллээ.

Тухайлбал, МУИС-ийн Ази Судлалын тэнхимийн Гадаад хэлний орчуулагч /Хятад/ мэргэжлийн 4-р түвшний оюутан С.Хүслэн ТЭРГҮҮН БАЙР эзэлж олон улсын “Хятад хэлний гүүр” олимпиадад Монгол улсаа төлөөлөн оролцох нэр хүндтэй үүргийг хүлээлээ.

Мөн тус түвшний оюутан Л.Солонго, 3-р түвшний оюутан М.Эрдэнэцэцэг нар тус тус 3-р байр эзлэв.

Түүнчлэн тэмцээний “Шилдэг удирдагч багш”-аар тус салбарын мэргэжилтэн багш Жу Янь шалгарснаас гадна МУИС тус тэмцээний “Шилдэг зохион байгуулалттай сургууль”-иар шалгарав.

Энэхүү нэр хүндтэй тэмцээнд оролцож, өндөр амжилт үзүүлсэн Хятад хэлний салбарын шилдэг зургаан оюутандаа халуун баяр хүргэхийн ялдамд цаашдын сурлага, хөдөлмөрт нь улам их амжилтыг хүсэн ерөөе.

МУИС, ШУС, ХУС
АЗИ СУДЛАЛЫН ТЭНХИМ