Ази судлалын тэнхимийн эрхлэгч доктор, дэд профессор Д.Ундрах уулзалтыг нээж үг хэлэхдээ “Бакалаврын судалгааны ажлын ерөнхий удирдамж”-ийг танилцуулж, тус чиглүүлэх сургалтыг зохион байгуулж буй зорилго, ач холбогдлыг тодорхой тайлбарлалаа.

Мөн тэрээр чиглүүлэх сургалтыг удирдан явуулах Орон судлал (Турк) салбарын доктор, дэд профессор Б.Аззаяа болон хамгаалуулах комиссын ажлын хэсгийн бүрэлдэхүүнийг танилцууллаа. Сургалтыг Турк судлалын салбарын доктор, дэд профессор Б.Аззаяа уригдан оролцож, удирдан явуулсан бөгөөд бакалаврын судалгааны ажлын техник шаардлагын талаар ач холбогдол бүхий мэдээлэл, зөвлөмж өгч, оюутнуудын асуултад дэлгэрэнгүй хариулт өглөө.

Тус чиглүүлэх уулзалт 2026 оны 4 дүгээр сарын 10-ны өдрийн 13:00 цагт 133 тоот танхимд зохион байгуулагдсан бөгөөд 2025–2026 оны хичээлийн жилийн хаврын улиралд бакалаврын судалгааны ажил бичихээр хүсэлт гаргасан 17 оюутнаас 13 оюутан оролцлоо.

МУИС, ШУС, ХУС
АЗИ СУДЛАЛЫН ТЭНХИМ