Энэ жил Монгол улсад япон хэлтэй боловсон хүчин бэлтгэж эхэлсний 50 жилийн ой тохиож байгаа билээ. Тус ойн хүрээнд МУИС, ШУС, ХУС-ын Ази судлалын тэнхимийн Япон судлалын салбар 2025 оны 10-р сарын 18-нд их дээд сургуулийн оюутнуудын дунд япон хэлний хоёрдугаар олимпиадыг амжилттай зохион байгууллаа.

Монголын япон хэлний багш нарын холбоо болон Япон улсын ЭСЯ-тай хамтран зохион байгуулсан тус олимпиадад 9 сургуулийн 11 баг оролцон мэдлэг чадвараа сорин өрсөлдсөнөөс тэргүүн байранд Шинэ Монгол Технологийн Коллежийн баг, хоёрдугаар байранд МУИС-ийн Ази Судлалын тэнхимийн баг, гуравдугаар байранд АШУҮИС-ийн баг тус тус шалгарлаа.

Мөн энэ удаагийн олимпиадад Япон сангийн “Nihongo Partners” хөтөлбөрийн гишүүд оролцон, япон соёлын холбогдолт асуулт хариултын тэмцээний даалгаврыг зохион дэмжин ажиллалаа.

МУИС, ШУС, ХУС
АЗИ СУДЛАЛЫН ТЭНХИМ