МУИС-ийн ШУС-ийн ХУС-ын Ази судлалын тэнхимийн хөтөлбөр сурталчлах ажлын хүрээнд Дархан хотын хятад хэлний гүнзгийрүүлсэн сургалттай “Цайхун” ЕБС-ийн ахлах ангийн 25 сурагч математикийн багш Г. Хулангийн хамтаар 2025 оны 5 дугаар сарын 5-ны өдөр Ази судлалын тэнхимд зочилж, танилцах уулзалт хийлээ.

Тус уулзалтад ШУС-ийн Хүмүүнлэгийн Ухааны Салбар хариуцсан дэд захирал, доктор Г. Элдэв-Очир, Ази судлалын тэнхимийн эрхлэгч, доктор Д. Ундрах нарын 9 багш профессор оролцов.

Тэнхимийн эрхлэгч Д. Ундрах тэнхимийн багш нар болон тэнхимийн хэрэгжүүлж буй Гадаад хэл шинжлэл /Хятад/, Олон улс, орон судлал /Хятад/, Гадаад хэлний орчуулга /Хятад/ хөтөлбөрийн талаар танилцуулж, сурагчдад мэргэжил сонгоход нь чиглүүлэх чухал мэдээлэл өгсөн юм.

Дархан “Цайхун” ЕБС-ийн багш Г. Хулан багш сургуулийн удирдлага, тэнхимийн багш нарт сурагчдыг нь хүлээн авч, дэлгэрэнгүй мэдээлэл өгсөнд талархал илэрхийллээ.

МУИС, ШУС, ХУС
АЗИ СУДЛАЛЫН ТЭНХИМ